哲古华拉（Ernesto "Che" Guevara，1928年6月14号—1967年10月9号），又译捷古华拉、切古华拉，系古巴革命家，推崇共产主义，做咗第三世界共产革命运动嘅英雄同埋西方左翼运动嘅象征。

哲古华拉出身阿根廷有钱人家。佢读医期间，喺拉丁美洲睇见周围都系贫穷、饥饿同埋疾病，觉得需要抗衡资本主义扩张，而支持危地马拉嘅社会改革，直至政权被推翻。后来佢加入卡斯特罗牵头嘅革命组织，组织发动古巴革命，1959年推翻咗古巴嘅巴迪斯达政权。

古巴革命过后，哲古华拉加入卡斯特罗领导嘅古巴新政府。1965年哲古华拉离开古巴，喺外地再搞革命，1967年喺玻利维亚被俘虏同处决。