迷你仓，又叫迷你自存仓，向黄页分类叫自存仓，系一类B2C生意，储存物件小型仓库。客人系一般市民，佢哋屋企唔方便，或者因为地方太细，搬屋、装修咁嘅原因，要将重有价值嘅日用品，暂时记存向第三者地方，咁当然要交租金。换嚟服务系一个交通方便临时储物空间，24小时有保安环境，定期找数、报告通讯，或自动转账。

迷你自存仓呢盘生意可以同停车场比较，合约有免责条款同埋法律权利同义务。比如或有第三者责任、水险、火险咁。

另外亦有包运送嘅迷你仓服务，叫做上门迷你仓（迷你箱），供应商通常会提供用件数同呎数计算嘅计划。

有啲迷你自存仓话可以储存古玩、艺术品、屋契、有价证券咁。要睇客人有几大信心，生意人有乜诚信服务承诺咁。迷你仓唔似银行保险箱，因为迷你自存仓系有限公司法团，面对俾人告，责任有限，可能清盘走人。