屯门公园（英文Tuen Mun Park），原本叫屯门市镇公园，香港大公园之一，系新界第一个有多种康乐设施嘅大公园。佢喺屯门市中心，屯门乡事会路边，地约莫十二公顷半，屯门区佢最大，区域市政局起嘅。而家由康乐及文化事务署管。公园隔篱有屯门大会堂、屯门公共图书馆同埋西铁线屯门站。

园内设施有公园、排球场、羽毛球场、单车径、单车场、露天剧场、模型船池。

屯门公园起喺填海区上，分两期；第一期喺1985年8月29号开，而第二期就喺1991年1月2号开。

自2000年代开始，屯门公园就长期出现非法卖唱问题，对公园使用者构成滋扰，当局一路都无妥善处理，结果喺2019年7月同2019年9月先后发起过两次****。

人工湖 — 约莫1公顷大细。以前有水上单车租。

人工瀑布 — 全长160米，上面起咗两条桥。