蔡卓妍（粤拼：coi3 ceok3 jin4，Charlene Choi Cheuk-Yin，花名阿 Sa，1982年11月22号—）系香港艺人，出过唱片、拍过电影，又系英皇娱乐嘅主要合约艺人同埋Twins嘅乐队成员。不过自从陈冠希咸相漏出事件之后，好耐冇见到佢同钟欣桐再度登台演出，而佢公开就话阿娇而家有病要去医、又要返学，唔得闲出嚟表演节目。

蔡卓妍出生喺单亲家庭，中一至中三响玛利曼中学就读，之后转咗去香港玫瑰岗学校，中三就出嚟做模特儿，开始加入香港娱乐圈。

向2006年3月，蔡卓妍已经同郑中基结婚[1]，但婚事去到2010年先至公开，同年蔡卓妍同郑中基离婚。2010年9、10月蔡卓妍公告同陈伟霆已经拍拖三个月，10月接受访问𠮶时话已经带过佢见家长，无耐之后佢哋俾杂志踢爆拍拖唔止三个月，系背叛双方嘅另一半中开始。