铁皮屋系一种屋，用大铁片做外墙。铁皮做建材有几种物料，包括星铁铁板、不锈钢板材咁，有厚有薄几款。

用铁皮起屋有一个好处，就系建筑成本够平，工序简单，可以即起即住。不过铁皮屋易生锈、漏风、漏雨、唔隔音（冇隐私）、空气焗，尤其夏天大热天时，同埋打风季节，行雷闪电。

铁皮屋未必即系寮屋，有建筑师设计嘅铁皮屋，会用不锈钢、油防锈油漆、加防漏胶、隔音层、隔热料、加24小时冷气、加避雷针咁。呢种特制铁皮屋唔系平价货，有钱人有幅地，例如私人别墅都会起返间当车房又得，当仓库都得。以前香港有位名人香灼玑都有一间，向2006年8月上过报纸头条新闻添，佢𠮶间铁皮屋唔系贫民窟个种货色。